Este venres, 3 de xullo, a provincia de Lugo conta con 77 casos activos de coronavirus, 13 máis ca onte. Mantense o número de hospitalizados con 2 no Hospital Público da Mariña e 1 no HULA.
Os casos positivos na Mariña son 59, 12 máis ca onte, segundo a Consellería de Sanidade, “a maioría son asintomáticos ou presentan síntomas de carácter leve”, e teñen a obriga de gardar corentena durante 14 días.
74 persoas están nos seus domicilios, na provincia de Lugo, con diagnóstico positivo de Covid19, 13 máis ca onte, coincidindo con novos casos confirmados. A día de hoxe a provincia leva contabilizados 1.031 casos, incluíndo altas e falecementos.
O número de casos activos de coronavirus en Galicia está en 318, 122 corresponden á área de Vigo –sen cambios con respecto a este xoves–; 63 á da Coruña e Cee –dez menos–; 24 á de Santiago e Barbanza –igual–; 17 á de Ourense –un menos–; 77 á de Lugo –13 máis–; 10 á de Ferrol –sen cambios– e cinco á de Pontevedra –un menos–.