Sarria celebra o Black Friday

Este venres e sábado, días 27 e 28 de novembro respectivamente, o comercio do Centro Comercial Urbano de Sarria- ACES organiza o "Black Friday", na búsqueda de promocionar as vendas dos artigos de tempada.

Comercio comerciante polo miúdo

O Black Friday busca incentivar ao consumidor a adiantar as compras de Nadal mercando no pequeno comercio. Un total de 27 establecementos participarán nesta quinta edición organizada dende a Aces-CCU, comercios que pertencen a moi diferentes sectores: textil, complementos, calzado, óptica, beleza, etc… 

Este ano será algo distinto pola situación derivada da pandemia, sempre buscando as condicións para realizar unha compra segura, sen aglomeracións e poñendo a disposicición dos clientes as medidas hixiénico-sanitarias precisas e de distancia. Por outro lado, en varios dos establecementos participantes que dispoñen de páxina web, incentivase así a compra a través da mesma ou por outros medios virtuais, con recollida en tenda, e/ou noutros casos con envío ao domicilio.

Os establecementos abrirán no seu horario habitual e ofertarán os seus produtos cun 20 % de desconto. Os establecementos contarán co cartaz promocional desta campaña, o cal permitirá que os clientes identifiquen con claridade os participantes.

DEIXAR UN COMENTARIO

Please enter your comment!
Please enter your name here