Na xuntanza tratáronse cuestións relacionadas coa seguridade viaria dos peregrinos ao percorrer as partes da estrada autonómica que coinciden co trazado da ruta xacobea.

A reunión serviu tamén para analizar a situación actual e coñecer as principais necesidades que observa o colectivo. Arias lembrou que a Xunta ten desenvolvido nos últimos anos varias actuacións de mellora da seguridade no Camiño Francés, como o repintado da sinalización horizontal da LU-633, a mellora da sinalización nos cruces da ruta coa estrada autonómica ou a ampliación de tramos demasiado estreitos.

A Administración galega traballa para executar novas actuacións específicas de mellora da seguridade no Camiño co fin de favorecer un tránsito cómodo para os peregrinos, como usuarios vulnerables das vías.