O Saviñao segue co plan de asfaltado no acceso a Cuñas

O plan de aglomerado comezara a pasada semana coa mellora da estrada que une A Reguenga coa Senra, na parroquia de Mourelos, e dos accesos a Vilar, na parroquia de Marrube.

Armesto asfaltado estradas municipais / concello do Saviñao

O alcalde do Saviñao, Carlos Armesto, comproba o desenvolvemento dos traballos de aglomerado en quente no acceso a Cuñas, na parroquia da Cova. Esta actuación forma parte do plan de asfaltado que está a levar a cabo o Concello en distintas vías municipais e que inclúe tamén o desbroce das marxes e a limpeza de cunetas.

Con estas actuacións, o goberno local continúa a desenvolver proxectos de mellora das infraestruturas de titularidade municipal para dotar de máis e mellores servizos públicos aos veciños e contribuír a mellorar a súa calidade de vida.

Neste caso, trátase de actuacións nas vías de comunicación do municipio que permitirán mellorar a seguridade viaria dos seus usuarios. O plan comezara a pasada semana con dúas actuacións na estrada que une A Reguenga coa Senra, na parroquia de Mourelos, que comunica distintos núcleos do municipio; e os accesos a Vilar, na parroquia de Marrube.

DEIXAR UN COMENTARIO

Please enter your comment!
Please enter your name here