Este ano organízanse en colaboración co Ateneo Casino dúas charlas con profesores expertos en micoloxía, abertas a toda persoa que queira asistir e un xantar degustación cun prezo de 20 euros para socios/as e 25 euros para non socios/as.
A primeira charla será o Xoves, 25 de novembro, no propio Ateneo Casino ás 20:30. Será impartida por Jaime Blanco quen realizará unha introducción á micoloxía. A segunda charla no Ateneo será o Venres, 26 de novembro, ás 20:30. Será Julián Alonso quen falará das novedades na clasificación do xénero Boletus, explicando e describindo os novos xéneros e parte das especies que se describen actualmente dentro do concepto clásico de Boletus.
O xantar-degustación será o sábado 27 no Restaurante Abadía San Simón.
Para asistir ás actividades é necesario anotarse previamente no teléfono 648 435 033, preferiblemente vía whatsapp.
Instalarase unha mesa exposición con distintas especies de cogomelos silvestres debidamente identificados para familiarizarse coas principais especies. Desde a Asociación pídese aos socios e socias de antes do ano 2020 que se poñan de novo en contacto coa nova directiva debido á necesidade de actualizar todos os contactos.