Concerto de frauta de Marta Torres o día 11 en Sober

A actuación forma parte do ciclo ‘Música no Outono’ e será ás 19:00 horas no Centro Sociocultural de Sober.

xuventudes musiciais de Sober / concello de Sober

A frautista, Marta Torres, presentará o sábado en Sober o seu espectáculo “The Magical Flute“, un programa onde a frauta traveseira se presenta como único instrumento encargado de namorar ao público, mostrando a versatilidade do seu son grazas ao extenso repertorio composto ao longo de cinco séculos.

Escoitarase desde ‘As  Folies d’ Espagne’ ata a música dos compositores do noso país, pasando polo impresionismo de Debussy e a potencia tímbrica de Berio. Un concerto completo da man do incrible son da frauta traveseira que non deixará indiferente a ninguén.

Marta Torres realizou os seus estudos superiores de frauta no Conservatorio de Liceo de Barcelona con  Christian  Farroni, e posteriormente os estudos de máster na Universidade MUK de Viena con Karl- Heinz Schütz, solista da Orquestra Filharmónica de Viena. Gañou varios premios de música de cámara, foi finalista da Categoría Superior do Concurso Nacional de España ‘Andalucía Frauta’, e en 2019 obtivo o Segundo Premio de Mocidades Musicais de España da modalidade de vento. Colabora regularmente con orquestra profesionais, actividade que compaxina cos seus proxectos de cámara.

Programa

  • Francisco López-Martín: Mängata
  • Georg Philipp Telemann: Fantastia nº10 en Fa #menor
  • Friedrich Kuhlau: Divertissemente nº6, op. 68
  • Francisco Tárrega: Recuerdo de la Alhambra (arr. de Francisco López-Martín)
  • Claude Debussy: Syrinx
  • Luciano Berio: Sequenza I
  • Marin Marais: Les Folies d’Espagne
  • Isaac Albéniz: Asturias (arr. de Francisco López-Martín)

DEIXAR UN COMENTARIO

Please enter your comment!
Please enter your name here