O mozo D.M.C., de 21 anos de idade, detido hai algo máis dunha semana pola súa presunta vinculación co asasinato dun profesor xubilado, cuxo cadáver apareceu no seu domicilio de Vigo o pasado 4 de xaneiro, chegou sobre as 10,20 horas deste xoves aos xulgados de Vigo para comparecer ante o titular da sala de Instrución número 4, que deberá decidir se ratifica a medida de prisión provisional sen fianza decretada polo Xulgado de Instrución número 5 o pasado venres.

Este veciño de Monforte arrestado compareceu a pasada semana ante o Xulgado de Instrución número 5, aínda que se acolleu ao seu dereito a non declarar (do mesmo xeito que xa fixo na Comisaría de Policía Nacional, onde tamén gardou silencio).