IniciosociedadeAs prazas das vivendas municipais e do albergue de Sober a disposición...

As prazas das vivendas municipais e do albergue de Sober a disposición dos refuxiados

O Concello de Sober pon a disposición dos refuxiados de Ucraína o albergue municipal con 14 prazas e está instalando mobiliario de cociña en catro vivendas municipais que tamén cederá a aquelas persoas que as poidan precisar.

Publicado o

POR
Redacción
- Advertisement -

O Goberno local tamén recolle datos para crear un censo de inmobles, tanto ocupados como desocupados, para poder axudar e amosar a solidariedade co pobo ucraíno.

O Concello de Sober asegura que en canto se coñeceu a dramática situación de Ucraína activou unha rede de cooperación e acollida para que, chegado o momento, poida entrar en funcionamento. Agora recádase información para coñecer a dispoñibilidade de espazos.

Aquelas persoas que desexen participar no acollemento deberán poñerse en contacto cos Servizos Sociais do Concello de Sober nas oficinas municipais ou por vía telefónica a través do seguinte número de teléfono: 982460513.

O acollemento pode darse por dúas vías:

  • Vivendas desocupadas que desexen poñer a disposición das persoas refuxiadas.
  • Vivendas habitadas que desexen compartir coas persoas refuxiadas.

Unha vez se teñan os datos faranse chegar ás autoridades correspondentes para poder canalizar a axuda. Desde a FEGAMP facilitan ademais un número de información gratuíto sobre a acollida a cidadáns ucraínos +34 91 047 4444. Os Servizos Sociais do Concello de Sober están tamén a disposición dos veciños e veciñas para resolver as dúbidas que poidan xurdirlles en relación coa axuda que se pode prestar.

Albergue Sober / Concello de Sober

ÚLTIMAS

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...