HomesociedadeO pobo de Parteme segue uníndose para mellorar a súa aldea

O pobo de Parteme segue uníndose para mellorar a súa aldea

A veciñanza de Parteme, na parroquia do Nocedo, en Quiroga, segue facendo traballos de mantemento das zonas comúns. Traballos que teñen demandado ao concello desde o pasado verán e do que aínda non obtiveron resposta, por iso os veciños seguen xuntándose para executar estas melloras.

Publicado o

POR
Redacción
- Advertisement -

A comezos deste mes, por iniciativa da Asociación de Veciños de Parteme, realizouse a limpeza do acceso que leva á fonte pública e comezouse coa limpeza das rúas. Traballos que a Asociación asegura ten reclamado en moitas ocasións por escrito ao Concello, e non recibindo contestación deciden facer as melloras pola súa conta; tendo claro que inicialmente é competencia das administracións locais ter uns servizos mínimos para que o rural non morra.

“Para que queremos políticos se fan caso omiso ás nosas peticións? É incrible que uns veciños unidos con vontade de facer o ben para a comunidade, que son capaces de poñer cartos do seu peto e o seu tempo libre para realizar unha función que lle compete ao concello, sexan tratados como se está tratando ao pobo de Parteme,” denuncian desde a asociación, e pregúntanse onde están “as partidas económicas que lle pertencen aos pobos.”

Asociación de Veciños de Parteme limpeza aldea

Os traballos que a asociación levou a cabo para recuperar a fonte pública e na limpeza de rúas foron moi ben recibidos pola veciñanza e hoxe quen vai a diario a por auga xa pode baixar con máis seguridade. Sen embargo, agora lamentan desde a asociación que antes había luz pública na fonte e cortouse o poste para retirar esa farola.

Despois de varias xornadas de traballos comunitarios a asociación asegura que o pobo cada vez está máis unido e que seguirán traballando por mellorar a situación da súa aldea e demandando ao concello as melloras necesarias.

Asociación de Veciños de Parteme limpeza aldea

“Parteme somos todos, tanto os que vivimos día a día como os e as que están fóra e veñen de fin de semana, por tempadas ou nas vacacións. E os non empadroados tamén pagan impostos, non o esquezamos tampouco,” conclúen.

Asociación de Veciños de Parteme limpeza aldea

ÚLTIMAS

3ª edición de ‘Brincadeira’, o festival que recupera o ‘brindo’ na Pobra do Brollón

Brindadeira xurdiu no ano 2023 como parte dunha iniciativa do goberno municipal para recuperar...

75.000€ para mellorar a Praza Luis García Arias en Chantada

Esta praza reformárase hai 15 anos co bipartito para crear un espazo complementario aos...

Quiroga presenta as actuacións das festas de verán que se celebrarán do 7 ao 11 de agosto

As festas do xoves abriranse cun concerto do grupo local, Mario Colomán & The...

O PP de Ribas de Sil denuncia que non se convocan os plenos cada dous meses

Os concelleiros do PP de Ribas de Sil denuncian que o alcalde está a...