O Concello de Sober dalle as grazas ao actor Chechu Salgado, que este ano foi o pregoeiro da XLII Feira do Viño de Amandi, por achegar o seu premio Goya como mellor actor revelación por ‘Las Leyes de la frontera’ para que toda a xente de Sober puidera velo.
Jesús Salgado López deixaba este domingo en Sober eloxios ao concello que o viu nacer e ao seu viño:
“Tanto o viño como o cinema conéctannos directamente coas nosas raíces, axudan a traballar a imaxinación e sitúannos no mundo.
O viño de Amandi e o cinema galego entendidos coma un pasaporte para comunicarnos co resto do mundo.
Canto me axudou estando fóra falar con alguén descoñecido dunha película en común ou cantas conversacións puiden abrir porque na carta de viños tiñan viños de Amandi.”
