Presentada a primeira edición dos premios Emprendendo no Rural, a iniciativa que pon en marcha a Deputación de Lugo para fomentar a creación de empresas na provincia, achegando 50.000 euros.
Os premios, de 10.000 euros cada un, repartiranse entre 5 emprendedores que desexen abrir un negocio no rural, e precisen dunha pequena axuda para facelo.
Xa está aberto o prazo para que todos os interesados en participar poidan rexistrar as súas solicitudes ata o vindeiro día 29 de novembro, incluído. A previsión é que a finais de ano se coñezan os beneficiarios. As solicitudes presentaranse de maneira telemática na sede electrónica da Deputación: http://sede.deputacionlugo.org
Toda a información e documentación necesaria pode atoparse na páxina web: http://deputacionlugo.gal/gl/temas/emprego/emprendendo_rural.
Pode participar calquera cidadán, as únicas esixencias serán non estar constituídos como empresa (co que se premia a idea) a obriga de constituírse antes de 31 de agosto de 2019, afincarse no rural e manter a actividade durante polo menos dous anos.
