Rematado o lavado de cara de varias rúas e estradas de Monforte

As melloras fixéronse na rúa Carude, desde o Paseo de Lugo ata a Capela de San Lázaro; no Reboredo, desde o paso a nivel ata onde rematan as beirarrúas e estase co pintado da estrada LU-P-3203, de Monforte a Rozabales e Vilachá de Salvadur.

Visita ás obras / Deputación Provincial

As obras contan con financiamento da Deputación Provincial en colaboración co concello. Destináronse 180.000 euros a case 4 quilómetros de vías que benefician a centos de veciños, residentes nestas rúas e usuarios das mesmas, pois trátase de vías que soportan un elevado volume tráfico.

A LU-P-3205, comunica co Polígono Industrial do Reboredo e as parroquias de Piñeira e Guntín; a LU-P-3201 dá servizo ao barrio da Pinguela e a varias instalacións deportivas como a piscina climatizada municipal, o pavillón de deportes e o campo de fútbol, ademais de comunicar coa parroquia de Piñeira e o núcleo urbano de Sober; e finalmente, a estrada de Rozabales une a parroquia de Vilachá de Salvadur, na Pobra do Brollón, con Monforte.

Os traballos consistiron na limpeza de cunetas, renovación do firme con aglomerado en quente e mellora da sinalización horizontal e vertical. As obras comezaron na rúa Carude, seguida dos traballos na rúa Reboredo e estanse a rematar os labores de pintado na estrada de Rozabales.

DEIXAR UN COMENTARIO

Please enter your comment!
Please enter your name here