Rematada a mellora dunha das vías máis transitadas do Saviñao

A Deputación Provincial destinou aos traballos de mellora da estrada  que une Rebordondiego con Morgade por Aiaz, 220.000 euros.

Concello O Saviñao / Wikipedia

A LU-P-5804 é unha das vías máis transitadas do concello, que ademais de conectar con Escairón, recolle o tráfico diario dos traballadores de numerosas explotacións agrarias da zona. Desde o organismo provincial aseguran que estas melloras, ademais de facilitar a comunicación por estrada no concello, contribúen a dinamizar a economía.

O investimento da Deputación permitiu arranxar un total de 7 quilómetros do treito que vai dende o punto quilométrico 3,9 ao 10,9. Os traballos executados consistiron na limpeza de cunetas, rehabilitación do firme con aglomerado en quente, renovación da sinalización vertical e repintado da horizontal.

No Concello do Saviñao a Deputación investía recentemente 46.000 euros na mellora da LU-P-5801, da Igrexa da Cova a Fión. Neste caso a mellora da estrada prodúcese nunha zona que acolle ao longo do ano numerosas visitas de turistas.

DEIXAR UN COMENTARIO

Please enter your comment!
Please enter your name here