Pantón amplía a rede municipal de abastecemento á parroquia de Tribás

A Consellería de Infraestruturas e Mobilidade vén de licitar en 337.000 euros a obra de construción da nova rede de abastecemento de auga a esta parroquia pantonesa que carecía deste servizo municipal.

Presentación do proxecto / Delegación Territorial

Na actualidade a parroquia de Tribás non conta con rede de abastecemento municipal, con esta iniciativa preténdese dar un servizo de abastecemento de auga en condicións de potabilidade a toda a veciñanza. As empresas interesadas en executar estas obras teñen ata o 28 de xaneiro. Unha vez oficializado o contrato dos traballosos, o prazo de execución de 4 meses.

As obras suporán unha nova captación, pola que se construirá un pozo de barrena de 150 meros de profundidade, ao que se lle instalará unha bomba  somerxible encargada dos traballos de impulsión. Construirase tamén un depósito de auga cunha capacidade de 25 metros cúbicos, dotado de sistema de cloración, e farase a execución material da nova rede de abastecemento, formada por tubaxes de plietileno de alta densidade. Irá soterrada baixo gabia e instálaranse bocas de rego-incendio.

Na presentación do proxecto, o Delegado territorial de Lugo, José Manuel Balseiro, sinalaba que deste xeito se da resposta a unha importante demanda veciñal e destacaba “Queremos que as parroquias dispoñan de servizos de calidade, en consonancia co medio ambiente, en apoio aos veciños e ás explotacións gandeiras da zona, e no obxectivo de acondicionar o noso rural para que sexa cada vez máis atractivo para o asentamento de nova poboación”.

DEIXAR UN COMENTARIO

Please enter your comment!
Please enter your name here