Máis medios para combater o xeo nas estradas

64 operarios e 32 máquinas acondicionan as vías da rede provincial para garantir unha circulación segura en 35 concellos lucenses

Estrada de Ribas de Sil LU-P-5303. Fonte: Deputación de Lugo

O Goberno da Deputación de Lugo mantén activado o Plan de Emerxencia para facer fronte ás acumulacións de xeo que se están a rexistrar estes días na rede viaria provincial, sobre todo nas estradas da montaña lucense.

Despregouse estes días un dispositivo de 64 operarios e 32 máquinas que están acondicionando estradas para mellorar e garantir unha circulación en condicións óptimas de seguridade. Entre outros labores están distribuíndo sal para evitar a acumulación de xeo.

Dada a previsión de que continúen as baixas temperaturas ao longo destes días o dispositivo manterase activado e, se fose preciso, uniranse aos efectivos indicados os medios dispoñibles do Parque Móbil.

Entre os 35 concellos nos que se están levando a acabo estas actuacións están Chantada, Taboada, Carballedo, O Incio, O Páramo, Samos, Triacastela, A Pobra do Brollón, O Saviñao, O Courel, Quiroga e Ribas de Sil.

DEIXAR UN COMENTARIO

Please enter your comment!
Please enter your name here