A Garda Civil imputou un delito de malos tratos animais en calidade de investigado a un veciño do termo municipal do Páramo por disparar a un can nunha granxa, que morreu.

Segundo informou o Instituto Armado, imputou en calidade de investigado ás 13,00 horas do pasado domingo na localidade lucense do Páramo a un veciño deste municipio de 64 anos de idade como presunto autor dun delito de malos tratos animais con resultado de morte.

Os feitos delituosos tiveron lugar cando o presunto autor efectuou, relataron as mesmas fontes, “un disparo cunha escopeta de balíns a un cánido que se atopaba no interior dunha granxa de vacún” propiedade do denunciante e dono do can falecido.

No corpo do animal “atopouse munición do calibre 5,5, coincidente coa arma do mesmo calibre que obra en poder da persoa investigada”, subliñou a Benemérita. A persoa investigada en relación con estes feitos foi posta a disposición xudicial.