Un incendio declarado na madrugada deste mércores nunha casa no lugar da Vila, composta por tres vivendas provocou danos nunha delas, sen que se rexistrasen persoas feridas.
Segundo informou o 112 Galicia, o lume iniciouse uns minutos antes das 4,00 horas deste mércores. O 112 Galicia tivo coñecemento do incendio a través da chamada dunha persoa particular, o que permitiu activar un operativo no que interviñeron os Bombeiros de Chantada e os de Monforte de Lemos, ademais dos axentes da Garda Civil.
Segundo a información recollida no 112 Galicia, o incendio quedou extinguido sobre as 8,50 horas.