90.000€ da Deputación para a mellora da estrada de Vilachá á Estación da Pobra do Brollón por Rozavales

A Xunta de Goberno deste aprobou o proxecto e a licitación das obras de mellora en 8 quilómetros da vía LU-P-4702, que une o núcleo urbano de Vilachá coa Estación da Pobra do Brollón por Rozavales, no concello da Pobra do Brollón, cun orzamento de 92.500€. Levaranse a cabo melloras entre o punto quilométrico 2,570 ata o 10,400 nun prazo de tres meses.

Por

Redacción

3 Xullo, 2021

120320 Obras Monforte-Rozabales — Obras Deputación nas estradas LU-P-3203 e LU-P-4702 / Deputación Provincial

Este proxecto inclúe a reapertura de cunetas e o posterior formigonado da vía provincial, que xa fora renovada entre os puntos 1,200 e 2,400 e, polo tanto, con este arranxo quedaría rehabilitada do punto quilométrico 1,200 ao 10,400.

A Xunta de Goberno deste venres tamén aprobou a solicitude do concello do Incio para investir remanentes do Plan Único 2020 por un importe total de 56.500 €. O municipio da comarca de Sarria solicitou empregar 43.000 € para o acondicionamento e a mellora de accesos nos núcleos de Romariz e Santo Eufrasio.