Cinco persoas precisaron asistencia sanitaria no hospital comarcal tras recibir golpes e cortes nunha multitudinaria pelexa nunha zona de bares e pubs en Monforte de Lemos, na madrugada do sábado.
Ocorreu sobre as 5,00 da mañá, cando a central do 112 Galicia recibía a chamada de varios particulares para informar dun grupo de persoas, entre 10 e 20, que estaban a protagonizar unha liorta na rúa Duquesa de Alba, segundo informan a Europa Press fontes deste servizo de emerxencias.
Seguidamente, o 112 pasou o aviso ao 061-Urxencias Sanitarias, á Polía Nacional e á Local, que xa tiñan constancia do ocorrido e xa se atopaban de camiño.
Con todo, cando os axentes chegaron ao lugar, a liorta xa concluíra e as cinco persoas feridas xa se dirixían ao Hospital de Monforte en dúas ambulancias, tal e como informan a Europa Press fontes municipais.
Unha vez no centro sanitario, a Policía Local conseguiu identificar a este cinco persoas no marco das investigacións para esclarecer o ocorrido e localizar a outros posibles participantes na liorta.
