Os catro ingresados no hospital comarcal de Monforte de Lemos a raíz do incendio nun edificio xa foron dados de alta, segundo informan fontes municipais tras consultar coa dirección do centro sanitario.

Deste xeito, só quedan dous dos afectados ingresados na área de queimados do Complexo Hospitalario Universitario da Coruña (Chuac). Entre os que recibiron o alta atópase a menor de 13 anos que sufriu un golpe nunha perna.

Este incendio orixinouse á primeira hora da mañá do domingo 26 nun edificio da rúa de Roberto Baamonde, onde se celebrou unha reunión familiar con motivo do Nadal. Neste suceso perdeu a vida un home de 52 anos e outras sete persoas resultaron feridas.