InicioSucesosQuen andará detrás dos lumes de Peites en Ribas de Sil?

Quen andará detrás dos lumes de Peites en Ribas de Sil?

Tres días seguidos e tres lumes que se orixinaron na N-120 á altura do acceso á aldea de Peites no concello de Ribas de Sil.

Publicado o

- Advertisement -

Que a maioría dos lumes son provocados é unha triste realidade en Galicia. Para mostra o que aconteceu estes días na N-120 nas proximidades do punto quilométrico 478, á altura do acceso á aldea de Peites no concello de Ribas de Sil.

O pasado xoves e tamén o venres, ao redor das 22.00 h, empezou a arder na cuneta da localización comentada en 2 puntos distantes a menos dun quilómetro. Segundo nos explica Luís Pinos, concelleiro de Ribas de Sil, a colaboración cidadá, entre eles os clientes do restaurante Pazo do Sil que foron testemuñas do comezo das lapas e puxéronse a apagalas, e a rápida actuación das brigadas evitaron males maiores. Un dos riscos era que o lume avanzase con perigo cara as poboacións próximas, Peites e Figueiredo.

Un dos focos, moi preto do acceso a Peites. Foto: Pedro Soto

E por se o medo fose pouco con estes dous intentos, o sábado cara as 14.00 h. da tarde volvía prender o lume noutros dous puntos na parte de montaña da N-120 á altura no quilómetro 478. Un dos focos localizado antes do acceso a Peites e o outro despois. Neste caso os danos do lume foron maiores ardendo monte baixo pero tamén arboreda, castiñeiros, enciñas e oliveiras. Luís Pinos comenta que o bo traballo dos brigadistas e a sorte de contar coa proximidade do río Sil para abastecer de auga a avións e helicópteros foi clave para controlar o incendio xa cara as 18.00 h da tarde. As poboacións en perigo, que grazas ao anterior viron con certa distancia o lume, foron Casares, Peites e Figueiredo.

A xente do lugar durmirá tranquila pero seguramante coa mosca detrás da orella dadas as extrañas circunstancias do acontecido nestes tres días.

Oliveira queimada no incendio de Peites. Foto: Carlos Mourelo

ÚLTIMAS

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...