Detido en Monforte por agredir a outra persoa cun bate de béisbol nunha zona de copas

Outras dúas persoas poderían estar implicadas neste episodio violento.

Bate e machada intervida pola Policía Nacional/ EP

Axentes da Policía Nacional detiveron en Monforte a un home a pasado fin de semana como suposto autor dun delito grave de lesións, tras agredir a outra persoa cun bate de béisbol.

Segundo informaron fontes policiais, os feitos ocorreron na madrugada do sábado ao domingo, no exterior dun local de lecer nocturno. A persoa ferida resultou con lesións na cara e no corpo, e tivo que ser trasladada ao Hospital de Monforte.

Ademais do home detido, suposto autor da agresión, a Policía identificou tamén a outras dúas persoas, que poderían estar implicadas neste episodio violento. Os axentes interviñeron o bate de béisbol co que presuntamente se cometeu o ataque, así como unha machada de 78 cm de longo.

DEIXAR UN COMENTARIO

Please enter your comment!
Please enter your name here