Monforte reservará prazas de emprego público para persoas con discapacidade

A valedora do pobo emitiu unha recomendación, que foi admitida polo concello, para cumprir coa reserva legal de prazas de emprego público municipal para persoas con diversidade funcional.

Casa do Concello Monforte / Concello de Monforte

A valedoría do pobo tiña recibido dúas queixas denunciando que o concello de Monforte non cumpría a taxa de emprego público para persoas con diversidade funcional. Despois da investigación correspondente a valedoría recomendou ao concello axustar á porcentaxe legal de emprego as convocatorias e incluír na reserva de postos a persoas con discapacidade intelectual. O concello vén de aceptar a recomendación. Na súa resposta á resolución da valedora, o concello comprometeuse en concreto a “adoptar as medidas que resultan das normas legais aplicables á selección de persoal”.

As novas medidas contentan á valedora do pobo por avanzar na efectividade de promoción de emprego público a persoas con dificultades e garantir a súa inclusión no eido laboral.

DEIXAR UN COMENTARIO

Please enter your comment!
Please enter your name here