Concentración para pedir máis medios humanos e mateirais para o PAC de Chantada

Veciños de Chantada e Carballedo e profesionais do centro de saúde e do PAC, acompañados dos concelleiros socialistas nestes municipios e do Secretario Xeral Provincial, Álvaro Santos Ramos, esixiron, cunha concentración, aumentar os profesionais de urxencias e restituír unha ambulancia asistencial.

Concentración PAC Chantada / PSOE provincial

O Centro de Saúde de Chantada conta, polas tardes, cun médico e unha enfermeira para atender consultas e urxencias de máis de 10.000 persoas, 8.300 de Chantada e 2.200 de Carballedo. Veciños e profesionais levan tempo reclamando da Xunta que se reforce o persoal, porque cando hai urxencias domiciliarias, o centro queda sen médico e os pacientes teñen que agardar que regrese para poder ser antendidos.

Chantada contaba, antes, cunha ambulancia asistencial e outra suplementaria e agora só teñen a ambulancia asistencial operativa as 24 horas do día. Isto implica que en caso de varias emerxencias simultáneas, os profesionais tardan máis tempo en chegar ao lugar onde estea o enfermo. Por estes motivos, os veciños esixen a dotación doutra ambulancia.

Os socialistas destacaron a necesidade de reforzar o servizo de urxencias con máis persoal e solicitan outra ambulancia para poder atender as demandas dos veciños, tendo en conta que a área do PAC de Chantada ten máis de 300 km2 de extensión e 59 parroquias, o que aumenta o tempo de desprazamento e resposta antes calquera emerxencia.

DEIXAR UN COMENTARIO

Please enter your comment!
Please enter your name here