As axudas, anunciadas polo Deputado de Deportes Pablo Rivera Capón, están destinadas para deportistas individuais de Lugo.

Para acceder ás bolsas todos os deportistas que así o desexen deben posuír ficha federativa durante o 2018 e ter participado en competicións deportivas oficiais tanto de carácter provincial, galego, estatal ou internacional dende o 1 de xaneiro ata o 31 de decembro do 2017. Ademais, deben manter  a súa actividade deportiva no momento de solicitar a axuda.

As bolsas, cun importe máximo de 1.500 euros e mínimo de 300, estarán dispoñibles para aqueles amantes do deporte cunha idade máxima de 35 anos durante o 2017. Este criterio de idade non será aplicable no caso de posuír capacidades diferentes.