Os veciños de Vilachá sempre falaron dun antigo convento no Val de Frade e dos grandes muros que se aprezan alí. A estrutura de pedra é xa indicio dunha construción rara, que nada tería que ver cos bancais de cepas típicos da Ribeira Sacra.

Segundo o director arqueolóxico Xurxo Ayán, “en superficie aprécianse distintos muros de épocas diversas; a simple vista parece que existiu un edificio bastante monumental que posteriormente foi reaproveitado para a construción de pataos e traballos vitivinícolas en xeral”.

Máis información sobre este tema na web Historia de Galicia e no 1º Capítulo da segunda tempada da serie documental Adegas da memoria, “O Mosteiro Perdido”.