Esperta Monforte presentou varias mocións no concello nos últimos anos para solucionar problemas de circulación e de aparcamento, pero aseguran que o goberno local non lles fixo caso ás súas propostas e non se adoptou ningunha medida. Enganden “A xente pode aparcar o seu vehículo onde o considere porque sabe que non van a ser multados.”
Dende EspertaMonforte! denuncian “o nulo traballo que leva a cabo o actual mandatario con respecto ó aparcamento en Monforte. Non se pode seguir tolerando que os coches privados poidan estacionar onde queiran impedindo acceso a rúas, acaparando parte das beirarrúas como aparcamentos ou usando zonas reservadas para xente con mobilidade reducida.”
Ao referirse aos problemas de tráfico na cidade, engaden os excesos de velocidade que se suceden polas rúas monfortinas e que están a provocar atropelos de viandantes de xeito continuado. Nos dous últimos anos faleceron 3 persoas por atropelos, o que leva a Esperta Monforte a demandar máis vixilancia tanto no aparcamento de vehículos como no tocante á velocidade.
