A directiva da Asociación Cultural Amigos do Folión convoca para o vindeiro martes 4 de xuño a partir das 11:00h., na Casa da Cultura de Chantada, un acto para a entrega de diplomas a todo o alumnado do IES Lama das Quendas e IES Val do Asma participante no Concurso de Carteis Folión de Carros 2019, e un premio para a autora do cartel vencedor, que servirá de cartel anunciador para o Folión de carros 2019.
A persoa gañadora coñecerase no propio acto. O alumnado dos dous centros educativos tivo a posibilidade de facer o deseño dun cartel para o Folión de Carros 2019, sendo un total de 46 os traballos presentados. O xurado estivo composto por Laura Vázquez, Segundo Navaza, Jon González, Cristina Ouro, Tamara Prado e José Manuel González.
As profesoras de debuxo Aura Míguez (IES Lama das Quendas) e Lola López (IES Val do Asma) foron as supervisoras e guías para que os traballos presentados polo alumnado foran tantos e de tanta calidade estética e temática.
A Mostra co conxunto dos carteis presentados sexa visitable durante todo o mes de xuño na Sala de Exposicións da Casa da Cultura de Chantada, dende o martes 4 ata o xoves 27 de xuño.
