O vindeiro domingo día 9 terá lugar a III Ruta Solidaria da asociación Chantada contra o cancro. Trátase dunha iniciativa de recaudación de fondos na que colabora o atleta chantadino Fernando Ibarra e que xa tivo un enorme éxito nas súas edicións anteriores.

A andaina terá lugar no entorno da Ribeira Sacra chantadina e xa conta con case 300 inscritos. Estes poderán escoller entre dous percorridos, un de 5 quilómetros con baixa dificultade e outro de 11 quilómetros cun nivel máis alto. O día da proba os participantes serán trasladados de xeito gratuito ás 9 da mañá dende a Praza de Galicia ata o punto de saída.

A inscrición custa 5 euros e poderá realizarse ata o xoves día 6 a través da páxina oficial do evento, na sé da asociación ou nos locais chantadinos Mar & Bellota e Capitol Café.