Este luns día 24 rexistrouse un accidente de circulación en Sarria no que colisionaron un coche e un camión. O condutor e único ocupante perdeu a vida no choque, que se produciu arredor das 18:25 horas na CG-2.2, a estrada que une Monforte de Lemos con Lugo.

Foi preciso cortar o tráfico na vía en ambos sentidos da circulación e desviar os vehículos cara á saída do Oural. Logo do sinistro foi precisa a intervención do 112 de Galicia, as Urxencias Sanitarias – 061, a Garda Civil de Tráfico, a Policía Local de Sarria e o servizo de mantemento da vía.