O venres día 5 comezará a terceira edición do Festival do Viño da Ribeira Sacra de Monforte. Desenvolverase no Paseo do Malecón e nel participarán 25 adegas dentro da Denominación de Orixe Ribeira Sacra.

O acto de inauguración terá lugar ás 18:30 da tarde no recinto do festival. Rosa Cedrón, orixinaria de Monforte, será a madriña do evento e ofrecerá un discurso onde poñerá en valor os viños da zona, algo que pode contribuír á súa difusión. Tamén actuará o grupo Habelas Hainas e haberá un saúdo das autoridades.

Os membros da corporación local quixéronlle agradecer a Rosa Cedrón “o seu compromiso con Monforte e coa difusión da calidade dos viños da Ribeira Sacra, o que sen dúbida vai en beneficio de todos”.