O Festival do Viño da Ribeira Sacra obrigará a limitar o tráfico en Monforte

Non será posible estacionar nin circular polo Paseo do Malecón dende o martes día 2 ata o luns día 8.

Vista aérea da marxe dereita do paseo fluvial ao seu paso pola zona do malecón de Monforte

Os días 6, 7 e 8 de xullo terá lugar en Monforte a terceira edición do Festival do Viño da Ribeira Sacra. Por iso, produciranse restricións ao tráfico no Paseo do Malecón.

Dende as 6:30 horas da mañá do 2 de xullo non será posible estacionar nin circular en todo o Paseo, e tampouco se poderá acceder polo tramo de enlace coa rúa Doutor Casares, próximo ao Centro de Saúde. As tarefas de montaxe das instalacións, que deben facerse coa suficiente antelación, requiren destas limitacións ao tráfico.

Os axentes da Policía Local serán os encargados de desviar o tráfico de entrada ao centro de Monforte pola Ronda María Emilia Casas Baamonde, e está previsto que coloquen sinais e paneis informativos nas zonas afectadas. As restricións manteranse ata o luns día 8, posto que ese día haberá que desmontar todas as carpas.

DEIXAR UN COMENTARIO

Please enter your comment!
Please enter your name here