Un incendio afectou na madrugada deste martes a unha máquina industrial que se atopaba no interior dunha nave no municipio lucense de Sarria.

Segundo a información do CIAE 112-Galicia, os feitos sucederon sobre as 5,20 horas no polígono de San Xulián de Veiga, ata onde se desprazaron os Bombeiros de Sarria. As chamas, que calcinaron por completo a máquina, quedaron sufocadas sobre as 6.00 horas.

No operativo participaron tamén efectivos do 061, aínda que finalmente non foi necesaria a súa intervención porque non se rexistraron feridos. A Garda Civil investiga as causas do lume.