Os bombeiros liberaron a noite deste venres ao condutor dun vehículo que quedou atrapado ao saírse o turismo que conducía da vía, na VG-2.1, de Monforte a Escairón. Segundo os datos facilitados ao 112 Galicia, o sinistro produciuse pasadas o nove da noite.

Os xestores do 112 Galicia pediron a colaboración dos bombeiros de Monforte para liberar ao ferido e facilitar a súa evacuación nunha ambulancia das 061-Urxencias Sanitarias.

Tamén se informou aos axentes da Garda Civil de Tráfico e ao persoal da Axencia Galega de Infraestruturas, que se encargaron da limpeza dos restos provocados polo accidente e de restablecer a seguridade na zona.