HomeSucesosPendentes en Monforte da declaración do condutor que chocou contra o hospital...

Pendentes en Monforte da declaración do condutor que chocou contra o hospital monfortino

A Policía Local do municipio de Monforte está á espera de tomar declaración para concluír o atestado e aclarar se foi intencionado o choque dun turismo na medianoite do pasado venres contra unha zona do hospital comarcal, na que nese momento non había ningún persoal nin usuario.

Publicado o

- Advertisement -

O condutor do vehículo que impactou contra o Hospital Comarcal de Monforte foi ingresado inicialmente no propio hospital monfortino, e posteriomente traslado ao Hospital Universitario Lucus Augusti de Lugo.

Nesta situación, os axentes municipais están á espera de poder localizalo no seu domicilio de Monforte xa que este é o seu ámbito de actuación. Os feitos sucederon pasada a media noite do día 23 de agosto, cando un vehículo impactou contra unha porta lateral do Hospital de Monforte, onde se sitúa o servizo de rehabilitación.

Rexistráronse diversos danos materiais nesa área hospitalaria, en cuxo interior quedou o vehículo sinistrado, pero non houbo que lamentar feridos, a non ser o propio condutor, un varón J. L. L.S., de 37 anos.

A Policía Local ten aberta unha investigación para solicitar todos os datos e aclarar se se tratou ou non dun accidente intencionado e está á espera de poder tomar declaración ao condutor do vehículo ferido para pechar o atestado que, unha vez concluído, será enviado ao xulgado pertinente.

ÚLTIMAS

Monforte presenta a programación da Feira Medieval na inauguración do Mercado previo a esta cita

A 21ª edición da Feira Medieval celebrarase os días 19 e 20 de abril...

O Ministerio de Transportes responde a Por un Interior Galego Vivo

O Ministerio responde sinalando os plans previstos en determinados puntos das estradas. Están en...

Éxito da carreira Xacorun e para o 3 de maio prepárase a Pretorian Race

No encontro avaliouse o éxito de participación que rexistrou un ano máis a primeira...

Cortes de rúas e ordenación do tráfico este 5 de abril en Monforte

Dende as 17:30 h ata as 20:00 h permanecerá pechado o tráfico de vehículos,...