A cita será este sábado 7 de setembro. Comezarase ás 11.00 coa recepción con bio-almorzo, posteriormente presentarase a xornada, para ás 11.45 proxectar o traballo audiovisual do “Cine para coidar a terra 2.018”; “Marcos” de Manuel Valcarcel. Ás 12.00 proxectaranse traballos ambientais e de patrimonio realizados por Canle Ribeira Sacra.

O xantar campestre terá lugar ás 14.00, para ás 15.00 celebrar un café debate sobre o cinema como plataforma de acción ambientalista, con membros das plataformas de loita contra a contaminación (Touro, Teo…). A cita con Musicleta co Señor Lili e Pulpiño Viascon será ás 16.00 e unha hora depois será a proxección de “Estruturas, pel contra pel” de Paco Gallego e Xosé Bocixa, seguida de debate.

A programación complétase co roteiro ambientalista e de gravación audiovisual ate o Carballo Grande de Pousada (500 anos). Un percorrido de 2 quilómetros ida e volta que comezarás ás 18.30, para rematar ás 20.00 coa proxección de “Miñoca” de Iago de Santa e o estreno da curtametraxe rodada en Belesar “A pescadora” de Edu Lavandeira.

Ademais das citas co cine contarase con actividades infantís, como o Obradoiro de stop-motion con material de refugallo, recortes… a cargo de Belén Veleiro, o taller de Banda sonora forestal con elementos da natureza, proxeccións en super-8 de documentais de animación de Félix Rodriguez de la Fuente, que se desenvolverán no hórreo e proxeccións coa Cinecleta