Un novo incendio forestal foi rexistrado no mediodía deste xoves no municipio lucense de Monforte de Lemos, e afectaba unha superficie de 350 hectáreas arredor das seis da tarde, segundo a Xunta. Tamén están afectadas as parroquias de Moreda e A Vide.

Segundo informaron a Europa Press fontes da Conselería do Medio Rural, o lume detectouse ás 13:22 horas e, polo momento, permanece activo. Nos labores de extinción participan tres axentes, 13 brigadas, nove motobombas, oito helicópteros e un avión.

De feito, é tal a intensidade das lapas que obrigou a pechar a vía de alta capacidade que une Monforte con Lalín.