O traslado do Centro de Drogodependencias permite que quede libre o edificio de Sanidade, ubicado na avenida de Galicia, polo que nos vindeiros días o Equipo de Goberno do Concello iniciará os trámites coa Dirección Xeral da Policía do Ministerio do Interior para acometer o acondicionamento de dito edificio, co obxectivo de que acolla a nova Comisaría da Policía Nacional en Monforte.
En canto ás obras das novas instalacións da Unidade Asistencial de Drogodependencias, tiveron un custe de 90.000 euros e fixéronse con cargo ó Plan Único da Deputación Provincial de Lugo e con fondos propios do Concello de Monforte. Dotouse o centro de instalacións eléctricas renovadas, saneamento e abastecemento de auga. Tamén foi substituída toda a carpintería de aluminio que existía. O novo espazo dispón, trala reforma levada a cabo, de 14 salas e despachos:
- Unha sala de espera
- Dous baños, un deles adaptado especificamente ás necesicades dos usuarios do Centro.
- Unha sala de terapias
- Un laboratorio
- Un taller
- Un almacén
- Sete despachos
Segundo o alcalde, José Tomé, as novas instalacións “permitirán ofrecer un mellor servizo ós usuarios e permitirán que o persoal do Centro, formado por 7 persoas, poida traballar con máis comodidade e en mellores condicións”. O alcalde tamén fixo fincapé en que “este traslado vai beneficiar tamén ós establecementos comerciais desta zona da cidade e contribuír á dinamización da mesma”.
