O Festival plantexábase con dúas citas, a batalla de grupos do 13 de xullo e o Festival propiamente dito que se celebrou o pasado 17 de agosto. O 13 de xullo o temporal fixo que esta proposta fose aprazada para retomala este sábado, 14 de setembro. Comezará ás 20.00 horas contando coa participación de 8 bandas de folk: Mileth, Liberad al kraken, Searas, Cabodano, Folkcongrelos, TiamGZ, Fora ostias, Maina Materia e Debezo. Formacións de diferentes estilos como rock, rap, metal ou blues con música 100% en galego.
Depois do concurso coñecerase ao gañador que será a primeira banda do Trece Roeis Fest do vindeiro ano. A formación vencedora gravará ademais un disco de estudio de 10 cancións. Tralo veredicto do xurado contarase con sesión dj.
A asistencia ós concertos é gratuita e contarase tamén con zona de acampada de balde. Desde a organización convídase a participar desta iniciativa que colle o relevo do Festival do Castro e que definen como un “evento orixinal e único en toda Galicia”.
