A Asociación Cultural Abrente porá en escena ‘As pastillas de Farruco’ o vindeiro día 28 de setembro, mentres que o Grupo de Teatro Augas do Sil traerá á localidade a súa obra ‘Princesa busca pretendente’ o día 27 de outubro.

‘As pastillas de Farruco’ é unha obra pensada para o público adulto, mentres que ‘Princesa busca pretendente’ é unha comedia dirixida a todos os públicos. Ambas as representacións levaranse a cabo na Sala Multiusos do Concello do Incio ás 19:00 horas.

Desde o Concello do Incio valoran a oportunidade de poder contar con estes grupos de teatro amador con gran tradición na provincia e animan aos veciños e veciñas a participar nas representacións.