O acto de presentación do libro de Afonso Eiré, “Memorias dunha vaca marela” terá lugar este venres 15 de xuño ás 20:30 h. no Centro do Viño de Monforte.
O autor rescata nesta obra á protagonista de “Eu tamén fun coas vacas”, a vaca Cachorra, para contarnos a súa vida e amosarnos os cambios que se produciron dende que moraba nunha corte até que se trasladou a vivir en modernos estábulos. Partindo dos cambios vividos polas vacas o libro achéganos tamén os cambios vividos polos habitantes do rural galego.
afonso eiré
Afonso Eiré é un escritor e xornalista nado en Laxe (Chantada), colaborador en diversos medios estatais, director e conselleiro delegado de A Nosa Terra, publicou un gran número de obras literarias que o levaron a recibir numerosos premios.
