O IES A Pinguela monfortino destaca, entre outras cousas, pola cantidade de actividades divulgativas e didácticas que organiza ao longo do ano para completar a formación dos seus alumnos e alumnas.

Seguindo esta liña, o Departamento de Bioloxía do instituto organizou unha viaxe divulgativa a Burgos para coñecer os xacementos de Atapuerca, o CAREZ (Centro de Arqueoloxía Experimental) e o Museo da Evolución Humana. Participaron 31 alumnos e alumnas de Primeiro de Bacharelato Ciencias con Bioloxía e Xeoloxía que aproveitaron a viaxe a estas terras para realizar unha visita guiada á Catedral de Burgos, unha das maiores e máis interesantes do estado.