O deputado de Deportes, Deseño e Artesanía e Memoria Histórica, Efrén Castro, acompañou aos participantes da segunda etapa da Marcha Cicilista Unificada de Special Olympics na chegada á meta, en Sarria.

Os deportistas finalizaron a ruta no parque do Chanto, tras percorrer 28,8 quilómetros nun circuíto de ida e volta entre Sarria e A Pobra de San Xián.  Na marcha, participaron 55 ciclistas da Fundación Eu Son (Burela), As Burgas (Ourense), Espurna (Valencia), Esportiu (Barcelona) e Aspronaga (A Coruña) e do Club Cliclista DHG Team, ademais de voluntarios e persoal de Protección Civil,Cruz Vermella, Policia Local e 061.

A ruta culminou cunha ceremonia de clausura na que todos os deportistas recibiron medallas e un obsequio conmemorativo da marcha, que continuou con dúas etapas máis, esta fin de semana en Santiago de Compostela e Vilagarcía de Arousa.