Un menor resultou ferido esta mañá tras ser atropelado na localidade de Monforte de Lemos, segundo informaron fontes dos servizos de emerxencias a Cope Lugo.

O accidente produciuse poucos minutos antes das nove da mañá na rúaDoutor Casares. O Centro Integrado de Atención ás Emerxencias de Galicia (CIAE) pasou aviso ao 061, que xa tiña noticia do accidente, así como á Policía Local.

Despois de recibir os primeiros auxilios no mesmo lugar do sinistro, o menor foi evacuado nunha ambulancia medicalizada ao Hospital Comarcal de Monforte de Lemos.