O goberno da Deputación de Lugo mostrou o seu apoio á decisión tomada polo goberno central de acoller ós refuxiados do Aquarius e ofrecer a súa colaboración para que os Concellos da provincia participen na acollida ás máis de 600 persoas que viaxan a bordo do buque.

Deste xeito, o goberno provincial comunicoulle á Federación Española de Municipios e Provincias a súa disposición de colaborar cos Concellos da nosa provincia para favorecer a acollida dos refuxiados. Dado que a Deputación non conta con medios habitacionais para atender esta situación de emerxencia humanitaria, e executivo provincial ofrece axuda ós concellos lucenses con medios técnicos e loxísticos que precisen para dar cobertura ás necesidades que teñan en cuestións como transporte a lugares de acollida e material entre outros.