O alcalde de Paradela, José Manuel Mato (PP), presentou denuncia no cuartel da Garda Civil de Portomarín por mor da suposta agresión sufriu no seu propio despacho por parte dun veciño dese municipio lucense.
Segundo explicou o propio rexedor local, os feitos sucederon o pasado martes, cando veciños do lugar de Uceira Branca, un núcleo da parroquia de Castro de Rei de Lemos, presentáronse no Concello de Paradela para protestar polo cambio de localización dun colector de lixo.
Ao final, lamentou o alcalde, ese intercambio de impresións “dexenerou no que dexenerou”. A conversación foi subindo de ton e acabou nunha discusión, momento no que supostamente un dos veciños propinoulle dous golpes no peito ao rexedor local, á vez que outros o insultaban.
“Deume dous golpes no peito”, dixo o rexedor local, quen non se esperaba tal reacción, porque “estaba a un metro de min”. O alcalde acudiu ao centro de saúde e, posteriormente, presentou a denuncia “por agresión ante a Garda Civil”. Mato amentou o sucedido e dixo que para el foi “un desgusto”.
