A Xunta de Persoal do hospital Comarcal de Monforte quere mostrar o seu apoio á Xunta de persoal do H.C. de Verín e expresar o seu rexeitamento ó peche do paritorio e á perda do pediatra deste hospital. 

Segundo a Xunta de Persoal do hospital monfortino, o SERGAS segue co seu plan de deixar abandonados os hospitais comarcais e centralizar todo nos hospitais de referencia.

Aseguran que dende o SERGAS din que non se pode manter o paritorio atendendo ao número de nacementos que hai. Por este motivo a Xunta de Persoal de Monforte asegura que só se mira o lado económico, pero nunca se poñen do lado das persoas. “Isto vai totalmente en contra do fomento da natalidade, e do rural. Por todo isto rexeitamos o peche deste servizo e a perda da plaza de pediatra”, explican nun comunicado desde o centro monfortino.