O Presidente da Deputación, José Tomé, mantivo un encontro este xoves no Pazo de San Marcos coa representante da Asociación de Veciños de Salcedo, Noa Moreira, e do Club Team Monforte Rally, Eduardo Iglesias, durante o que asinaron senllos convenios reguladores de subvencións excepcionais que achega a Deputación a ambos colectivos.
A Asociación de Veciños de Salcedo na Pobra do Brollón recibe máis de 2.800 euros para o arranxo de traxes de osos e criados do seu entroido. Para o Club Team Monforte Rally destínanse 10.000 euros cos que a Deputación colaborará no Rally Dakar 2020.
Esta reunión súmase á rolda de contactos que está a manter o Presidente con representantes de diferentes colectivos sociais e municipais co fin de coñecer as súas necesidades e demandas.
