A Deputación traballa para despexar 5 estradas provinciais nos concellos de Cervantes e Pantón, cortadas polas incidencias do temporal Elsa. As vías en Cervantes están cortadas debido á caída de árbores, no caso de Pantón por desprendementos de terra causados polas intensas choivas e fortes rachas de vento.

Neste concello a vía afectada é a LU-P-4104, que conecta Pombeiro co encoro dos Peares, debido a un desprendemento de terra que mantén a estrada cortada. O Presidente, Tomé Roca,  sinala que “estes traballos se están desenvolvendo coa maior rapidez e eficiencia posible, co obxectivo de garantir a seguridade dos usuarios e usuarias destas estradas”.