HomesociedadeGala de Maxia en Sarria e pista de xeo no Saviñao

Gala de Maxia en Sarria e pista de xeo no Saviñao

Para este día de Nadal os concellos de Sarria e do Saviñao ofrecen alternativas de ocio para os máis pequenos e pequenas da casa.

Publicado o

- Advertisement -

A Casa da Cultura de Sarria acolle o 25 de decembro pola tarde, ás 17:30 h., unha gala máxica na que compartirán escenario o mago local Roberto Lolo e o mago revelación deste 2019, o Mago Iago.

A historia de Iago, un mago precoz de tan só 6 anos, vai ligada a Roberto Lolo pois foi este quen lle ofreceu a principios deste ano a participación nun concurso de talentos en Sarria, no entroido. A partir deste momento, e do artigo en Xornal de Lemos todo hai que dicilo, Iago empezou a ser reclamado para participar en eventos como as festas de Paradela, actuacións en colexios, no Luar incluso, e este pasado 20 de decembro no Concello do Saviñao.

Roberto Lolo e Mago Iago, estarán, pois, xuntos no escenario da Casa da Cultura de Sarria neste día tan especial. A entrada é de balde pero advirten que o aforo é limitado, co cal cómpre ir con tempo para non quedar fóra.

Inchables e pista de patinaxe no Saviñao

Outra alternativa interesante para os pequenos e pequenas neste 25 de decembro é achegarse ao Concello do Saviñao. Alí, no Pavillón Municipal, haberá entre as 16:30 e as 20:30 h. espectaculares inchables e unha pista de xeo para patinar. A entrada é de balde para aqueles que estean empadroados no concello e custará 3 euros para o resto de xente. Inchables e pista de patinaxe estarán abertos ao público ata o 28 deste mes.

Festa de Inchables, Nadal 2017. Fonte: Concello do Saviñao

ÚLTIMAS

O programa para a XXI Feira Medieval darase a coñecer na inauguración do ‘mercado temático’ da Praza de Abastos de Monforte

O Alcalde de Monforte, José Tomé Roca, inaugurará este sábado día 5 de abril ás...

Agreden a un árbitro menor de idade tras o partido entre o Calansancio e o Arenteiro

A familia dun árbitro de 16 anos presentou unha denuncia ante a Policía Nacional...

O Concello de Chantada inviste 53.000€ na adecuación da contorna da igrexa de Santa María de Nogueira

O Concello de Chantada conta cunha subvención da Axencia de Turismo de Galicia de...

Monforte estrea pistas de tenis con plataforma automatizada de alugueiro

Rematan as obras de reparación das pistas de tenis municipais consistentes na mellora do...